Studierees op Auschwitz-Birkenau

An der Allerhellegevakanz huet eng Delegatioun vum LEM eng pedagogesch Rees a Polen op Auschwitz-Birkenau gemaach. Organiséiert gëtt dës all Joers an zanter 25 Joer vun der Associatioun Témoins de la 2e génération. 2001 gegrënnt, setzt d’ASBL sech géint Intoleranz, Rassismus, Xenophobie an Antisemitismus an.

D’Schüler waren dohinner, fir dat wat si aus de Geschichtsbicher kennen, ze gesinn. A Begleedung vum Marc Schoentgen, dem Vize-President vun der ASBL Témoins de la 2e génération. An der Emissioun „Am Fong“ um Radio 100,7  iwwermëttelen déi jonk Schüler tëschent 18 an 22 Joer hir Andréck an dat, wat si iwwer d’Shoah geléiert hunn.